عجيب امر المسئولين فى بلدنا بيعطوا تقارير عن ان كل حاجة فى البلد تمام التمام ولكن بالرغم من كده لو جالست احدهم يعطيك كل خبايا الفساد اللى فى البلد وتقدر تخرج منه بمعلومات خطيرة عن مؤسسات الفساد والمفسدين اللى اصبح لهم الكلمة العليا فى البلد وكله الان على رايهم تحت السيطرة من فترة اكثر من شهرين كلمنى قيادى فى امن الدولة بيقلى انت عمال تنزل كل سبت فى تقارير خطب الجمعة فى جريدة الدستور عن خطب ساخنة من الفيوم وخليت موقفنا محرج مع قيادتنا فى مصر لان احنا اعطيناهم فكرة ان جميع الخطباء تحت السيطرة وطلب منى اخف شوية من هذه الكتابات التى تسبب لهم الحرج ولانى بالطريقة دى كل مسجد هتكتب عنه هانقل خطيبه الى مكان ناء وكده انت بتجنى على الخطيب
قلت طيب وبعدين ما انا لازم اكتب وفى نفس الوقت مش عاوز اسبب ضرر لاى خطيب
فكرت وقررت انى انزل كلام الخطيب اذا كان قوى بدون اسمه او اسم المسجد
وبعدين المسئول الكبير سالنى مرة عن اسم مسجد كتبت عن خطيبه
فقلت له ده مستحيل فكان رده غريب قال لى بالطريقة دى مضطر اعين عليك مراقبة كل يوم جمعة من الصبح علشان اشوفك بتصلى فين
وبعد اخذ ورد اتفقنا انى اقول له اسم الخطيب والمسجد بشرط انه ما ينقلش الخطيب
فوافق على ذلك على ان يستدعيه لامن الدولة ويطلب منه ان يخف فى خطبه
وبالفعل وافق الرجل واعطيته اسم المسجد والخطيب وحصل على وعد منى ان اخف شوية فى تقارير الخطباء ولكن بعد 3 جمعات صليت فى نفس المسجد لاكتشف ان الخطيب تغير وان المسئول الكبير وفى بوعده جمعتين فقط ونقلوا الرجل لمكان اخر
من ساعتها وانا اخذت على نفسى عهد انى ما اخبرهم باى شىء تانى بعد نقض العهد وخلف الوعد
المهم ان بعدها كانت جميع التقارير سخنة من الفيوم علشان اثبت لهم كذب شعار كله تحت السيطرة
المهم انى اكتشفت ان اهم شىء ان كل مسئول يبعت تقرير للاعلى منه يؤكد فيه ان الامن مستتب وكله يا فندم تحت السيطرة
وسلم لى على الامن فى البلد
1 comment:
الرسالة تكشف عن قيمة واحدة هي عرض لداء كامن وخطير أصبح يطفو على المكشوف في جميع رسائل المدونة
Post a Comment